La Piazza

Iavene nnanze tutte li uagliune,

pu venive la spose nghe lu spose

e pu seguitave la prucissione.

Seguivene lu passe de la spose,

che lende, puverelle camenave

ndruppecanne a la ‘onne che purtave,

Ummene e giuvanutte arimbustate

a braccette a la moje o la murose.

Ogne tande, qualche giuvanotte,

da li saccocce tutt’arrigunfiate,

cacciave pujnate de cumbitte

e li spanneve a ventaje pe la vije.

Le femmene, da li case cchiù vicine

A ccuscì, come stavene vestite,

s’affacciavene tutte ‘nguriusite,

Pe vedè la spusine che passave.

A la case, la mamme de lu spose,

nghe na uandire de solde e cumbitte,

è già pronde pe lu segne de la croce.

Ecche ca s’avvicine lu curtee,

è già rrivate a quella porte nnanze.

A stu mumende, com’a nu signale, 

la mamme, da l’attese muziunate,

s’affacce da la porte de la case: 

– Patre, Fije, Spirde Sande, Ammen – 

e spanne a ventaje su li spuse,

li solde, li cumbitte e la..uandire.

A stu punde succede lu scunguasse;

li uagliune, com’a na piscine,

se iettene tra li pide de la gende;

cerchene solde, cerchene cumbitte

e ndande se scumbine lu curtee.